អង្គការថែទាំសុខភាពគ្រួសារកម្ពុជា “ រ៉ាក់ ” គឺជាអង្គការក្រៅរដ្ឋាភិបាលមួយ កំពុងធ្វើការផ្ដោតលើសេវាសុខភាពគ្រួសារ ដែលរួមមាន សុខភាពបន្ដពូជ និងសុខភាពផ្លូវភេទ សុខភាពមាតា កុមារ និងយុវវ័យ និង មេរោគអេដស៍/ជំងឺអេដស៍។ បច្ចុប្បន្នអង្គការរ៉ាក់កំពុងធ្វើការងារទាំងនេះនៅតាមបណ្ដាខេត្ដ-ក្រុងមួយចំនួនដូចជា រាជធានីភ្នំពេញ ខេត្ដព្រះសីហនុ ខេត្ដកំពង់ចាម កំពង់ឆ្នាំង តាកែវ កំពត បាត់ដំបង សៀមរាប ប៉ៃលិន កំពង់ស្ពឺ ស្វាយរៀង មណ្ឌលគីរី និងកោះកុង ។ អង្គការត្រូវការជ្រើសរើសបុគ្គលិកចំនួន៣រូបដើម្បីបំរើការងារ នៅគ្លីនិកខេត្ដព្រះសីហនុ និងគ្លីនិកក្រុងភ្នំពេញដូចខាងក្រោមៈ

ឆ្មប  (Midwife)

(ចំនួន១រូបនៅខេត្តព្រះសីហនុនិង២រូបនៅក្រុងភ្នំពេញ)

មានសញ្ញាប័ត្រឆ្មបមធ្យម ដោយមានការបណ្ដុះបណ្ដាលអំពីការពន្យារកំណើត។ មានបទពិសោធន៍យ៉ាងតិច ០៣ ឆ្នាំផ្នែក បច្ចេកទេសឆ្មប ដោយមានចំណេះដឹងបន្ថែមផ្នែក សេវាពន្យារកំណើត និងការពិនិត្យព្យាបាលជំងឺកាមរោគ។ មានចំណេះដឹង ផ្នែកភាសារអង់គ្លេសអាចប្រើការបាន។ មានជំនាញទំនាក់ទំនងល្អ ។ មានបុគ្គលិកលក្ខណៈរួសរាយរាក់ទាក់ និងមានភាពបត់ បែនទៅតាមតម្រូវការរបស់អតិថិជន ។ មានឆន្ទៈអាចធ្វើការលើសម៉ោងកំណត់។ បើមានបទពិសោធន៍ផ្នែកផ្ដល់ប្រឹក្សាទៀត កាន់តែប្រសើរ ។ មានឆន្ទៈចង់យល់ដឹង និងអនុវត្ដសិទ្ធិសុខភាពបន្ដពូជ ។

ផ្ដល់សេវាពន្យារកំណើត ថែទាំផ្ទៃពោះមុន និងក្រោយសំរាល ព្យាបាលជំងឺកាមរោគ ផ្ដល់ប្រឹក្សា និងអប់រំអំពីសុខភាពបន្ដពូជ ដល់អតិថិជនដែលមករកសេវានៅគ្លីនិកក្រោមការគ្រប់គ្រងរបស់ប្រធានគ្លីនិក។

- បេក្ខជន បេក្ខនារី ដែលមានចំណាប់អារម្មណ៍ សូមអញ្ជើញបំពេញទម្រង់ស្នើសុំធ្វើការងាររបស់អង្គការរ៉ាក់ និង ភ្ជាប់ជាមួយនូវប្រវត្ដិរូបសង្ខេប ឯកសារពាក់ព័ន្ធ និងរូបថត (៤ x ៦) ចំនួន១សន្លឹក  និងឈ្មោះអ្នកធានាចំនួន៣នាក់ មកកាន់ការិយាល័យបុគ្គលិកអង្គការរ៉ាក់ នៅស្នាក់ការកណ្ដាល ផ្ទះ លេខ១៥ផ្លូវលេខ៣១៧ សង្កាត់បឹងកក់១ ខណ្ឌទួលគោក ក្រុងភ្នំពេញ អ៊ីម៉ែល jobs@rhac.org.kh    ឬ នៅគ្លីនិកអង្គការរ៉ាក់ខេត្ដព្រះសីហនុនិង នៅក្រុងភ្នំពេញ។ ចាប់ផ្ដើមទទួលពាក្យចាប់ពីថ្ងៃផ្សាយដំណឹងនេះរហូតដល់ថ្ងៃទី ៣០ ខែ ឧសភា ២០១២ វេលាម៉ោង ៥ល្ងាច ។ មានតែបេក្ខជន បេក្ខនារី ដែលបានជ្រើសរើសប៉ុណ្ណោះនឹងត្រូវអញ្ជើញមកសំភាសន៍។ ឯកសារ និងពាក្យដែលបានដាក់មកមិនអាចដកវិញបានទេ ។  ព័ត៌មាននេះអាចមើលក្នុងគេហទំព័រៈ www.rhac.org.kh ។