គ្រឹះស្ថានមីក្រូហិរញ្ញវត្ថុក្រេឌីតជាគ្រឹះស្ថានគ្រីស្ទានបានចាប់បដិសន្ធិក្នុងឆ្នាំ1993 ក្នុងគោលបំណងរួមចំណែកក្នុងការអភិវឌ្ឍសង្គមនិងសេដ្ឋកិច្ចសហគមន៍ តាមរយៈការផ្តល់លទ្ធភាពដល់ប្រជាជនក្រីក្រដែលសកម្មក្នុងផែ្នកសេដ្ឋកិច្ច ដើម្បីលើកកម្ពស់កម្រិតជីវភាពរបស់ពួកគេ តាមរយៈសេវាកម្មផ្តល់ប្រាក់ឲ្យខ្ចី សេវាកម្មទទួលប្រាក់បញ្ញើសន្សំ សេវាកម្មផ្ទេរប្រាក់ក្នុងស្រុក និង សេវាកម្មATM&CDM ដែលប្រកបដោយជំនឿទុកចិត្តនិងមាននិរន្តរភាព។ ដើម្បីឆ្លើយតបនឹងការរីកចំរើនព្រមទាំងការពង្រីកតំបន់ប្រតិបត្តិការបន្ថែម គ្រឹះស្ថានត្រូវការជ្រើសរើសបុគ្គលិកបំរើការងារក្នុងមុខតំណែងនិងទីតាំងដូចខាងក្រោម៖

• មុខតំណែង: មន្ត្រីប្រតិបត្តិទំនាក់ទំនងអតិថិជន(Customer Relation Executive)
• ភូមិភាគ/សាខា: ភ្នំពេញ, សៀមរាប
• កន្លែងបម្រើការងារ: សាខាមានជ័យ , សាខាពោធិ៍សែនជ័យ, សាខាទួលគោក, សូត្រនិគម

• ត្រូវមានកំរិតវប្បធម៌យ៉ាងហោចណាស់ថ្នាក់បរិញ្ញាប័ត្រ​ជំនាញខាងផ្នែកគ្រប់គ្រងពាណិជ្ជកម្ម ឬបរិញ្ញា ប័ត្រ​ដែល​មាន​តំលៃស្មើ។
• មានបទពិសោធន៍ផ្នែកទំនាក់ទំនង លក់ ទីផ្សារ ឬខាង​មីក្រូហិរញ្ញវត្ថុយ៉ាងតិច១ឆ្នាំ។
• ប្រើប្រាស់ភាសារអង់គ្លេសបាន។
• គាំទ្រដោយឥតងាករេនូវទស្សនៈវិស័យ​ និង​បេសក កម្ម​របស់​ក្រេឌីត។
• ​ស្មោះត្រង់ មានប្រវត្តិរូបល្អ អាកប្បកិរិយាល្អ រូសរាយ​រាក់ទាក់​តែមានលក្ខណៈហ្មត់ចត់ និងប្រាកដប្រជា។
• មានជំនាញប្រាស្រ័យទាក់ទងទាំងមជ្ឈដ្ឋានខាងក្នុង និង​ខាងក្រៅ។
• មានចិត្តអត់ធ្មត់ និងស្រលាញ់ការងារដែលប្រគល់ជូន​ហើយ​​​មានឆន្ទះបំរើ​អតិថិជនក្រីក្រ ដែលក្រេឌីតកំពុង តែ​ផ្តល់សេវា​​កម្មជូន។
• មានភាពវៀងវៃក្នុងការដោះស្រាយបញ្ហា និងមាន គំនិត​ឆ្នៃប្រឌិត។
• មានជំនាញប្រើប្រាស់កំព្យូទ័រផ្នែករដ្ធបាលដូចជា Word, Excel, PowerPoint, Internet និង E-mail បាន។

• បង្កើនបរិមាណលក់សេវាកម្ម បញ្ញើ-សន្សំអោយសម្រេចបាន​តាមផែនការប្រចាំឆ្នាំ។
• ជាអ្នកតំណាងស្ថាប័នក្នុងការប្រឹក្សាយោបល់​ដើម្បីស្វែងរក តម្រូ​វ​ការ​ពិតប្រាកដ​ និងសម្របសម្រួល ផ្តល់ដំណោះស្រាយ​សមស្រប​​ជូនអតិថិជន ឬបុគ្គលិកពេលមាន​បញ្ហាពាក់ព័ន្ធ ការលក់។
• ត្រូវមាន និងតាមដាននូវព័ត៌មានបម្រែបម្រួលពីស្ថានភាពទីផ្សារគូប្រកួតប្រជែងលើវិស័យសេវាហិរញ្ញវត្ថុ។
• ធ្វើផែនការយុទ្ធសាស្រ្តលក់សេវាកម្មបញ្ញើ-សន្សំជាមួយ​ប្រធាន​សាខា ប្រធានភូមិភាគ និងនាយកដ្ឋានផ្នែកលក់​។
• ចុះជួបអតិថិជនដោយផ្ទាល់ដើម្បីលក់សេវាកម្មបញ្ញើសន្សំ។
• សហការជាមួយមន្ត្រីរដ្ឋបាលសាខា និងប្រធានសាខាដើម្បីត្រួត​ពិនិត្យ និងរក្សាឲ្យបានត្រឹមត្រូវនូវរាល់សំភារៈផ្សព្វផ្សាយ​ទាំងអស់ និងត្រូវប្រាកដថាមានគ្រប់ចំនួនមុនពេលដល់ថ្ងៃចាប់ផ្តើមចុះផ្សព្វផ្សាយ។
• ជ្រើសរើស​គោលដៅ និង​ចុះជួបផ្សព្វផ្សាយជាក្រុមធំ​ដោយ មាន​ការ​ចូលរួមពីប្រធានមន្ត្រីឥណទាន និងមន្ត្រីឥណទាន។
• ផ្តល់ប្រឹក្សា និងបញ្ចុះបញ្ចូលអតិថិជន​ឲ្យប្រើប្រាស់​សេវាកម្ម​ផ្សេងៗ​​ទៀតរបស់ក្រេឌីត។
• តាមដាន និងកែតម្រូវលើដំណើរការលក់ជាប្រចាំក្នុងសាខាសាមីដោយធ្វើរបាយការណ៍ជូនប្រធានសាខា ប្រធានភូមិភាគ និងនាយកដ្ឋានលក់ជារៀងរាល់ប្រចាំខែ។
• ប្រមូលព័ត៌មាន និងចូលរួមផ្តល់យោបល់ពីស្ថានភាពទីផ្សារគូប្រកួតប្រជែងរួចរាយការណ៍មកប្រធានគ្រប់គ្រង​ដែល ពាក់ព័ន្ទ​ឲ្យ​បាន​ទាន់ពេលវេលា។
• សិក្សាស្វែងយល់នូវរាល់ហានិភ័យនឹងអាចកើតមានលើដំណើរ​ការណ៍លក់​សេវាកម្មនានា​​ រួចរាយការណ៍មកប្រធាន គ្រប់គ្រងដែលពាក់ព័ន្ទដើម្បីចាត់ចែង រៀប​ចំ ​វិធានការ ការពារ និងទប់ស្កាត់​​ឱ្យបានទាន់ពេលវេលា។
• សហការជាមួយបណ្តាភ្នាក់ងារផ្សព្វផ្សាយនានាក្នុងតំបន់ប្រតិបត្តិការខ្លួនមានដូចជាស្ថានីយ៌ទូរទស្សន៍ វិទ្យុ ការសែត ទស្សនាវដ្ដី ដើម្បីពង្រឹងលើផ្នែកផ្សព្វផ្សា។ល។
• បំពេញកិច្ចការងារផ្សេងទៀតតាមការចាត់តាំង​របស់ ​ប្រធាន សាខា ប្រធានភូមិភាគ និងនាយកដ្ឋានលក់ និងថ្នាក់មាន សមត្ថកិច្ចក្នុង​ក្របខណ្ឌភារៈកិច្ចការងាររបស់ក្រេឌីត។

ក្រេឌីតផ្តល់ជូនបុគ្គលិកពេញសិទិ្ធនូវប្រាក់បៀវត្សដែលសមស្របតាមទីផ្សារការងារ បទពិសោធន៍ការងារនិងសក្តានុពលរបស់បេក្ខជន។ ក្រៅពីប្រាក់បៀវត្សក្រេឌីតមានអត្ថប្រយោជន៍ផ្សេងៗដូចជា៖
ប្រាក់រង្វាន់ប្រចាំខែ ប្រចាំឆ្នាំ
ប្រាក់ខែទី១៣ និងបុណ្យភ្ជុំបិណ្ឌ
ការធានារ៉ាប់រងគ្រោះថ្នាក់ដល់ជីវិត២៤ម៉ោង
ប្រាក់សុខភាពប្រចាំខែ
ប្រាក់សោធននិវត្តន៍ ឬប្រាក់ពេលលាឈប់ពីការងារ
ប្រាក់ចំណងដៃអាពាហ៍ពិពាហ៍
ផ្តល់ប្រាក់កម្ចីជូនបុគ្គលិក
ការឈប់សំរាកសាធារណៈអនុលោមតាមអនុក្រឹត្យ និងការឈប់សំរាកប្រចាំឆ្នាំ
ធ្វើការចំនួន៥ថ្ងៃក្នុងមួយសប្តាហ៍
ផ្តល់ឯកសណ្ឋានការងារ
ផ្តល់អាហារូបករណ៍សិក្សាជូនបុគ្គលិកតាមមុខតំណែង។ របៀបដាក់ពាក្យៈបេក្ខជនទាំងពីរភេទដែលមានចំណាប់អារម្មណ៍សូមយកប្រវតិ្តរូប និងពាក្យសុំបំពេញការងារដោយ ភ្ជាប់មកជាមួយនូវសញ្ញាបត្រ និងព្រឹត្តបត្រពិន្ទុ១សន្លឹក(បញ្ជាក់ពីសាលាខេត្ត/រាជធានី) រូបថត(៤x៦)១សន្លឹក សៀវភៅ គ្រួសារថតចំលង១សន្លឹក និងលិខិតបញ្ជាក់ផ្សេងៗប្រសិនបើបេក្ខជនធ្លាប់បំពេញការងារពីមុន។ បេក្ខជនអាចដាក់ពាក្យនៅតាមការិយាយល័យសាខានៃគ្រឹះស្ថានមីក្រូហិរញ្ញវត្ថុកេ្រឌីតដែលនៅជិតលោកអ្នក ឬបេក្ខជនអាចEmail ប្រវត្តិរូបជា(Soft Copy) និងបង្ហាញពីចំណាប់អារម្មណ៍មកកាន់អាស័យដ្ឋានខាងក្រោម។(ពុំចាំបាច់Scanសញ្ញាបត្រឬវិញ្ញា បនបត្រភ្ជាប់ជាមួយEmail ទេ)។
ការិយាល័យកណ្តាល: អគារលេខ៧១ ផ្លូវ១៦៣ សង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ។
សាខាក្រុងសៀមរាបៈ ផ្ទះលេខ២៩ ក្រុមទី៤ ភូមិតាភុល សង្កាត់ស្វាយដង្គុំ ក្រុងសៀមរាប ខេត្តសៀមរាប។

កាលបរិច្ឆេទឈប់ទទួលពាក្យៈ ថ្ងៃទី២៩ ខែកក្កដា ឆ្នាំ២០១៦ ម៉ោង១២:ថ្ងៃត្រង់។
ក្រេឌីត ផ្តល់ឱកាសការងារស្មើគ្នាដល់បេក្ខជន បេក្ខនារី ដោយប្រកាន់ជំហរ អព្យាក្រឹត មិនលំអៀង មានតម្លាភាព មិនប្រកាន់រើសអើងភេទ ពណ៌សម្បុរពិការភាព សាសនា និន្នាការនយោបាយនិងស្ថានភាពអាពាហ៍ពិពាហ៍។