អំពី “អម្រឹត”
អម្រឹត ជាគ្រឹះស្ថានមីក្រូហិរញ្ញវត្ថុឈានមុខគេក្នុងការរួមចំណែកដល់ការអភិវឌ្ឍសេដ្ឋកិច្ច និងសង្គមនៃប្រទេសកម្ពុជា តាមរយៈការផ្តល់សេវាហិរញ្ញវត្ថុទូលំទូលាយដើម្បីបំពេញតម្រូវការរបស់អតិថិជន និងសហគមន៍។ អម្រឹត មានការប្តេជ្ញាចិត្តខ្ពស់ និងមានយុទ្ធសាស្រ្តអាជីវកម្មរយៈពេលវែង ដើម្បីក្លាយជាស្ថាប័នហិរញ្ញវត្ថុឈានមុខគេនៅកម្ពុជា។

អម្រឹត បានបង្កើតឡើងនៅក្នុងឆ្នាំ ១៩៩១ ដោយភាគទុនិកដ៏ឆ្នើមក្នុងបណ្តាថ្នាក់អន្ដរជាតិរួមមាន Advans SA, FMO, IFC, LFP, និងសមាគមបុគ្គលិកអម្រឹត (Botta)។ បច្ចុប្បន្ន អម្រឹត មានសាខាចំនួន ១៤២ ដែលកំពុងធ្វើប្រតិបត្តិការនៅទូទាំង ២៥ខេត្ត-រាជធានីនៃព្រះរាជាណាចក្រកម្ពុជា និងមានបុគ្គលិកប្រមាណ ៤.០០០នាក់ ដែលកំពុងបំរើសេវាដល់អតិថិជនច្រើនជាង ៤២២.០០០នាក់ ដោយសម្រចបាននូវប្រាក់បញ្ញើ-សន្សំចំនួន ២៥៩លានដុល្លារអាមេរិក និងប្រាក់កម្ចីចំនួន ៥០០លានដុល្លារអាមេរិក ។

ឥឡូវនេះ អម្រឹត កំពុងស្វែងរកបេក្ខជនដែលមានសមត្ថភាព និងទេពកោសល្យ ក្នុងការបំពេញការងារដូចខាងក្រោម:

• មុខតំណែង: មន្ត្រីសន្សំ 
• ទីតាំងបម្រើការងារៈ សាខាខេត្តព្រៃវែង ០១, កណ្តាល ០២, ក្រុងសួង ០៤, កំពង់ចាម ០១, កំពង់ស្ពឺ ០១, បាត់ដំបង ០១, ព្រះសីហនុ ០១, និង ព្រែកតាម៉ាក់ ០៣ ។

• ជានិសិ្សតកំពុងសិក្សា(យ៉ាងតិចឆ្នាំទី ២) ឯកទេស ពាណិជ្ជកម្ម សេដ្ឋកិច្ច ឬជំនាញដែលពាក់ព័ន្ធ
• មានបទពិសោធន៍មួយឆ្នាំលើផ្នែកលក់ ឬផ្នែកទីផ្សាររឹតតែប្រសើរ
• មានចំណេះដឹងលើការផ្សព្វផ្សាយ ទីផ្សារ ការលក់ និងសេវាកម្មអតិថិជន
• ជាមនុស្សមានភាពស្មោះត្រង់ ម៉ឹងម៉ាត់ សុភាពរាបសារ មានភាព​វាងវៃ និងមាន​ទិសដៅអាជីពត្រឹមត្រូវ
• ជាមនុស្សរួសរាយរាក់ទាក់ និងមានទំនាក់ទំនងល្អក្នុងសង្គម
• មានឆន្ទ:ខ្ពស់ក្នុងការបំរើការងារនៅតាមតំបន់ជនបទ
• ជនពិការ និងបេក្ខជនដែលរស់នៅជិតទីកន្លែងបំរើការងារ ត្រូវបានលើកទឹកចិត្តក្នុងការដាក់ពាក្យ

• រាយការណ៍ជូន ៖​ ប្រធានសាខា
• កំណត់អតិថិជនគោលដៅ និងរៀបចំផែនការលក់សេវាកម្មហិរញ្ញវត្ថុ(ឥណទាន សន្សំ និងផ្ទេរប្រាក់) ប្រចាំឆ្នាំ និងប្រចាំខែ
• ស្វែងរក ទាក់ទង បញ្ចុះបញ្ចូល និងបង្ហាញ សេវាកម្មហិរញ្ញវត្ថុ ដល់អតិថិជន (ជាបុគ្គលិក និងស្ថាប័ន)
• រៀបចំ និងសហការ ជាមួយបុគ្គលិក ផ្សេងទៀត ដើម្បីធ្វើ យុទ្ធនាការ ផ្សព្វផ្សាយ នៅតាមតំបន់គោលដៅ
• កសាងទំនាក់ទំនងល្អជាមួយអតិថិជនសក្ដានុពល ដើម្បីចាប់យកអតិថិជនថ្មី និងថែរក្សាអតិថិជនដែលមានស្រាប់
• តាមដាន ស៊ើបអង្កេត និងប្រមូលព័ត៌មានត្រឡប់ ពីការប្រែប្រួលទីផ្សារ៖ ឥរិយា បទ/តម្រូវការអតិថិជន និងគូរប្រកួតប្រជែង

លទ្ធផលសម្រាំង    ៖ ផ្ដល់ជូនតាមរយៈទូរស័ព្ទ

សំណងទូទាត់ និងអត្ថប្រយោជន៍
អម្រឹត ផ្តល់ជូនដល់បេក្ខជននូវប្រាក់បៀវត្ស ដែលមានលក្ខណៈប្រកួតប្រជែងអាស្រ័យលើចំណេះដឹង បទពិសោធន៍ និងសមត្ថភាព។ ក្រៅពីនេះ នៅមានអត្ថប្រយោជន៍ផ្សេងៗ ជាច្រើនដូចជា៖ កំណើនប្រាក់បៀវត្សប្រចាំឆ្នាំ ប្រាក់រង្វាន់ប្រចាំឆ្នាំ (ជាក្រុម ត្រីមាស ឬបុគ្គល) ប្រាក់លើកទឹកចិត្ត សេវាធានារ៉ាប់រង (លើសុខភាព និងគ្រោះថ្នាក់) ប្រាក់ឧបត្ថម្ភសម្រាប់ថែទាំសុខភាព ប្រាក់កម្ចី  ប្រាក់សោធននិវត្តន៍ លក្ខខណ្ឌការងារដ៏ល្អជាមួយនឹងគោលនយោបាយធនធានមនុស្សដែលសមស្របទៅនឹងច្បាប់ការងារនៃព្រះរាជាណាចក្រកម្ពុជា។
បេក្ខជនជោគជ័យនឹងទទួលបានឱកាសច្រើនក្នុងការចូលរួមកម្មវិធីបណ្តុះបណ្តាល ក៏ដូចជាការអភិវឌ្ឍសមត្ថភាពឲ្យក្លាយជាបុគ្គលិកដែលមានទេពកោសល្យរបស់ អម្រឹត។

របៀបដាក់ពាក្យ
បេក្ខជន ដែលមានចំណាប់អារម្មណ៍ ត្រូវបានលើកទឹកចិត្តឱ្យដាក់ពាក្យសុំបម្រើការងារតាមរយៈប្រព័ន្ធអ៊ីនធឺណិត https://job.amret.com.kh/ ឬ តាមរយៈអ៊ីម៉ែល ខាងក្រោម។
ព័ត៌មានបន្ថែមអំពីការជ្រើសរើសបុគ្គលិក សូមទាក់ទងមកកាន់លេខទូរស័ព្ទរបស់យើងខ្ញុំ។

 “អភិវឌ្ឍអ្នកឆ្ពោះទៅមុខ”