អង្គការម៉ែកសង្គ្រោះជីវិត និងសាងអនាគតមនុស្សដែលរងគ្រោះដោយសារកាកសំណល់នៃសង្គ្រាម តាមរយៈសកម្មភាពឆ្លើយតបប្រកបដោយគុណភាព និងភាពជឿនលឿន។ យើងលុបបំបាត់ចោលរាល់ការគំរាមកំហែងលើរាងកាយ ចំពោះរបួសស្នាមនិងការស្លាប់ និងជួយកាត់បន្ថយនូវការបំផ្លិចបំផ្លាញនៃសេដ្ឋកិច្ច។ យើងផ្តល់ការបោសសម្អាតមីន និងការអប់រំអំពីមីន ដើម្បីគេអាចចាកផុតពីភាពក្រីក្រ និងទុក្ខវេទនាដែលបង្កឡើងដោយសារសង្គ្រាម។អង្គការម៉ែកបាននឹងកំពុងធ្វើការនៅក្នុងវិស័យសកម្មភាពបោសសម្អាតមីនមនុស្សធម៌ចាប់តាំងពីឆ្នាំ១៩៩២។

យើងត្រូវការជ្រើសរើសបុគ្គលិកជនជាតិខ្មែរដែលមានសមត្ថភាពសម្រាប់តួនាទី ខាងក្រោម ជាច្រើននាក់ (មូលដ្ឋាននៅខេត្តរតនគិរី)។

• ត្រូវមានអាយុចាប់ពី១៨ឆ្នាំឡើងទៅ
• មានកាយសម្បទាមាំមួន​ មានភាពវៃឆ្លាត និងមានបំណងធ្វើការងារជាក្រុម
• មានកម្រិតវប្បធម៌ ចេះអាន និងចេះសរសេរភាសាខ្មែរ
• មានប័ណ្ណបើកបររថយន្តកាន់តែប្រសើរ
• មានចិត្តអំណត់នឹងការងារ
• ពេញចិត្តស្នាក់នៅ និងរស់នៅជាក្រុមតាមជំរុំដែលរៀបចំឲ្យដោយអង្គការម៉ែក
• បេក្ខជន/បេក្ខនារីដែលជាប់ក្នុងកិច្ចសម្ភាសន៍នឹងត្រូវទទួលបានការហ្វឹកហ្វឺនបច្ចេកទេសរយៈពេល ០១ខែ ក្នុងនោះអង្គការម៉ែកនឹងទទួលខុសត្រូវលើការស្នាក់នៅ និងម្ហូបអាហារ ប៉ុន្តែបើគ្មានម្ហូបអាហារទេ នឹងមានប្រាក់ឧបត្ថម្ភផ្ដល់ជូន
• បេក្ខជន/បេក្ខនារីដែលមានពិន្ទុល្អក្នុងការហ្វឹកហ្វឺននឹងត្រូវទទួលឲ្យចូលបម្រើការងារមុនគេ

• ទទួលខុសត្រូវចំពោះមុខប្រធានក្រុម ឬអនុប្រធានក្រុម ដើម្បីធានាថាការបោសសម្អាតមីនធ្វើឡើងដោយយោងតាមនីតិវិធី ប្រតិបត្តិការគំរូ និងគោរពតាមរាល់ក្បួនខ្នាតសុវត្ថិភាពនានា។

ប្រាក់បៀវត្សន៍៖ ២១០ ដុល្លារអាមេរិក និងអត្ថប្រយោជន៍បន្ថែមផ្សេងទៀត
បេក្ខជន/បេក្ខនារីដែលមានចំណាប់អារម្មណ៍ សូមផ្ញើលិខិតអម និងប្រវត្តិរូបសង្ខេបមកអាសយដ្ឋានអង្គការម៉ែកដូចខាងក្រោម
ឈប់ទទួលពាក្យៈ ថ្ងៃព្រហស្បតិ៍ ទី០៧ ខែកក្កដា ឆ្នាំ២០១៦ វេលាម៉ោង៥៖០០ល្ងាច។
ឯកសារដាក់ពាក្យទាំងអស់នឹងត្រូវរក្សាទុកនៅអង្គការម៉ែក និងចំពោះតែអ្នកដែលជាប់ឈ្មោះក្នុងបញ្ជីសម្រាំងទើបត្រូវបានអញ្ជើញមកសម្ភាសន៍។