ប្រជាជាតិហ្វាយនែន គឺជាគម្រោងមួយក្នុងចំណោមគម្រោងជាច្រើនរបស់មូលនិធិ ម៉េងលី ជេ. គួច ដែលជាមូលនិធិមិនរកបា្រក់ចំណេញ ហើយបានជួយសង្គមលើគ្រប់វិស័យ ដែលជាផ្នែកមួយរបស់ក្រុមហ៊ុនម៉េងលី ជេ. គួច អេឌ្យូខេសិន។

ប្រជាជាតិហ្វាយនែនបានចាប់បដិសន្ធិនៅក្នុងឆ្នាំ២០០៥ ក្នុងគោលបំណងផ្តល់ប្រាក់កម្ចីឥតការប្រាក់ដល់បុគ្គលិក សិស្សានុសិស្ស ប្រជាពលរដ្ឋទីទ័លក្រ និងប្រជាជនគ្រប់ស្រទាប់ វណ្ណៈ កំពុងជួបការលំបាក។ ប្រជាជាតិហ្វាយនែនបានផ្តល់ប្រាក់កម្ចីជាង ៣, ០០០, ០០០ដុល្លារ (បីលានដុល្លារ) ជូនដល់បុគ្គលិក សិស្សានុសិស្ស និងប្រជាពលរដ្ឋ ចាប់តាំងពីមូលនិធិមួយនេះបានដំណើរការ។

ដើម្បីសម្រេចទស្សនៈវិស័យរបស់ខ្លួន “ធ្វើឲ្យជីវិតអ្នកកាន់តែប្រសើរ” ប្រជាជាតិហ្វាយនែនបានធ្វើកំណែទម្រង់ទៅជាអង្គការហិរញ្ញវត្ថុវិញនៅក្នុងឆ្នាំ២០១៣ ដែលផ្តល់ប្រាក់កម្ចីជាមួយការប្រាក់ទាបជូនដល់សាធារណជនគ្រប់ស្រទាប់វណ្ណៈ ដើម្បីរក្សាឲ្យបាននូវនិរន្តរភាពរបស់ខ្លួន ហើយនាពេលបច្ចុប្បន្ននេះប្រជាជាតិហ្វាយនែនជាអង្គភាពដាច់ដោយឡែកពីមូលនិធិ ម៉េងលី ជេ. គួច។

ប្រជាជាតិហ្វាយនែនបានសន្យាធ្វើការជាគ្រឹះស្ថានហិរញ្ញវត្ថុរឹងមាំ ក្នុងការផ្តល់ប្រាក់កម្ចី ដើម្បីបង្កើតឱកាសធ្វើឲ្យប្រជាជនមានជីវភាពធូរធារ និងចម្រើនលូតលាស់ជាចលករមួយចូលរួមអភិវឌ្ឍប្រទេសកម្ពុជា។ ប្រជាជាតិហ្វាយនែនភ្ជាប់នូវគោលការណ៍នៃភាពស្មើគ្នាក្នុង ឱកាសការងារ និងសមត្ថភាពការងារ។ 

ប្រជាជាតិហ្វាយនែន បច្ចុប្បន្នកំពុងធ្វើប្រតិបត្តិការនៅក្នុង ខេត្តកណ្តាល តាកែវ និង រាជធានីភ្នំពេញហើយមានគម្រោងពង្រីកបណ្តាញប្រតិបត្តិការទៅកាន់ បណ្តាខេត្តមួយចំនួនទៀត ដូចជា ខេត្តកំពង់ស្ពឺ កំពង់ចាម ព្រៃវែង កំពង់ឆ្នាំង ពោធិសាត់ បាត់ដំបង ដូច្នេះប្រជាជាតិហ្វាយនែនត្រូវការជ្រើសរើស បុគ្គលិកដូចខាងក្រោម៖

មុខតំណែង៖      
១.នាយកធនធានមនុស្សនិងរដ្ឋបាល ប្រចាំស្នាក់ការកណ្តាល (១រូប)
២.មន្ត្រីធនធានមនុស្សនិងរដ្ឋបាល ប្រចាំស្នាក់ការកណ្តាល (១រូប)

• បានបញ្ចប់បរិញ្ញាប័ត្រផ្នែក​គ្រប់គ្រងធនធានមនុស្ស ធនាគារ ហិរញ្ញវត្ថុ គ្រប់គ្រង​ពាណិជ្ជកម្ម ឬសេដ្ឋកិច្ច ម្យ៉ាងវិញទៀតបើបានបញ្ចប់ថ្នាក់បរិញ្ញាប័ត្រជាន់ខ្ពស់ ត្រូវបានលើក​ទឹកចិត្ត។
• មានបទពិសោធន៍ទាក់ទងទៅនឹងផ្នែក មីក្រូហិរញ្ញវត្ថុ ពិសេសកិច្ចការ ធនធានមនុស្ស និង​រដ្ឋបាល យ៉ាងហោចណាស់​ ២ឆ្នាំ។
• មានចំណេះដឹងអាចប្រើប្រាស់កម្មវិធី Ms. Office​ ។
• មានចំណេះដឹងអាចអាន និងសរសេរភាសាអង់គ្លេស។
• មានជំនាញដោះស្រាយបញ្ហា ការគិតទុកជាមុន និងមានគំនិតផ្តួចផ្តើម។
• ទំនាក់ទំនងល្អ រួសរាយរាក់ទាក់ ស្មោះត្រង់ និងមានការទទួលខុសត្រូវខ្ពស់។
• មានឆន្ទៈនិងសមត្ថភាពខ្ពស់ដើម្បីចាត់ចែងការងារដោយគ្មានការត្រួតពិនិត្យពីថ្នាក់ គ្រប់គ្រង។
• ធ្វើការប្រកបដោយវិជ្ជាជីវៈនិងការទទួលខុសត្រូវខ្ពស់ និងប្រកបដោយ​ប្រសិទ្ធភាព​ខ្ពស់ជាមួយ នាយកដ្ឋានដែលពាក់ព័ន្ធ។

• រៀបចំរបាយការណ៍ជូននាយកធនធានមនុស្ស និងរដ្ឋបាល។
• ជួយរៀបចំផែនការធនធានមនុស្ស ដោយប្រើប្រាស់ផែនការអាជីវកម្មជាមូលដ្ឋាន។
• រៀបចំ និងអនុវត្តផែនការសកម្មភាពដែលមានដូចជា ការវិភាគបទពិពណ៏នា​ការងារ ការរៀប​ចំ​​ជ្រើសរើស ការសម្រាំង ការបណ្តុះបណ្តាល និងការអភិវឌ្ឍ ការ​វាយ​តម្លៃការងារ និងការតប​ស្នង។
• ធ្វើការតម្រែតម្រងទិស និងណែនាំបុគ្គលិកថ្មី។
• បណ្តុះវិន័យការងារ និងការធ្វើការជាក្រុម។
• ទំនាក់ទំនងជាមួយកិច្ចការសាធារណៈ។
• ទទួលបន្ទុកកិច្ចការដ្ឋបាលសម្រាប់ការិយាល័យកណ្តាល និងជួយសម្របសម្រួល​កិច្ចការ​​របស់​សាខា។
• ធ្វើកិច្ចការផ្សេងទៀតដែលស្នើដោយគណៈគ្រប់គ្រង

អត្ថប្រយោជន៍ទទួលបាន

• ប្រាក់បៀវត្សសមរម្យ
• ការធានារ៉ាប់រងគ្រោះថ្នាក់ និងសុខភាព
• ប្រាក់ឧបត្ថម្ភផ្សេងៗ (ទូរស័ព្ទ…)
• ផ្តល់សំលៀកបំពាក់ប្រចាំឆ្នាំ
• ប្រាក់លើកទឹកចិត្តភ្ជុំបិណ្ឌ និងចូលឆ្នាំខ្មែរ
• ទទួលការបណ្តុះបណ្តាលខាងក្នុង ឬខាងក្រៅ
• ប្រាក់បេសកកម្ម
• ប្រាក់សោធននិវត្តន៍
• ការឈប់សម្រាកតាមរដ្ឋាភិបាល
• ច្បាប់បេតុភាព និងមាតុភាព
• ដំណើរកំសាន្តប្រចាំឆ្នាំ

របៀបនៃការដាក់ពាក្យ៖
បេក្ខជន ឬបេក្ខនារីដែលមានចំណាប់អារម្មណ៍សូមដាក់ពាក្យសុំបម្រើការងារ និងប្រវត្តិរូប សង្ខេប ដោយភ្ជាប់មកជាមួយ សញ្ញាប័ត្រផ្សេងៗ អត្តសញ្ញាណប័ណ្ណ ឬសំបុត្រកំណើត ថតចម្លងដែលមានបិទរូបថត ៤x៦ (ថតថ្មី) មកកាន់អាសយដ្ឋានផ្ទះលេខ បេ៧៨ ផ្លូវ១៩៩ សង្កាត់ទំនប់ទឹក ខណ្ឌចំការមន រាជធានីភ្នំពេញ ឬ
អ៊ីម៉ែល៖  ខាងក្រោម
ទូរស័ព្ទលេខ៖ 023 97 0000 / 098 449 785
កាលបរិច្ឆេទឈប់ទទួលពាក្យ នៅថ្ងៃទី០៥ ខែ ធ្នូ ឆ្នាំ២០១៥ វេលាម៉ោង ៥:០០ល្ងាច