ប្រជាជាតិហ្វាយនែន គឺជាគម្រោងមួយក្នុងចំណោមគម្រោងជាច្រើនរបស់មូលនិធិ ម៉េងលី ជេ. គួច ដែលជាមូលនិធិមិនរកបា្រក់ចំណេញ ហើយបានជួយសង្គមលើគ្រប់វិស័យ ដែលជាផ្នែកមួយរបស់ក្រុមហ៊ុនម៉េងលី ជេ. គួច អេឌ្យូខេសិន។
    ប្រជាជាតិហ្វាយនែនបានចាប់បដិសន្ធិនៅក្នុងឆ្នាំ២០០៥ ក្នុងគោលបំណងផ្តល់ប្រាក់កម្ចីឥតការប្រាក់ដល់បុគ្គលិក សិស្សានុសិស្ស ប្រជាពលរដ្ឋទីទ័លក្រ និងប្រជាជនគ្រប់ស្រទាប់ វណ្ណៈ កំពុងជួបការលំបាក។ ប្រជាជាតិហ្វាយនែនបានផ្តល់ប្រាក់កម្ចីជាង ៣, ០០០, ០០០ដុល្លារ (បីលានដុល្លារ) ជូនដល់បុគ្គលិក សិស្សានុសិស្ស និងប្រជាពលរដ្ឋ ចាប់តាំងពីមូលនិធិមួយនេះបានដំណើរការ។
    ដើម្បីសម្រេចទស្សនៈវិស័យរបស់ខ្លួន “ធ្វើឲ្យជីវិតអ្នកកាន់តែប្រសើរ” ប្រជាជាតិហ្វាយនែនបានធ្វើកំណែទម្រង់ទៅជាអង្គការហិរញ្ញវត្ថុវិញនៅក្នុងឆ្នាំ២០១៣ ដែលផ្តល់ប្រាក់កម្ចីជាមួយការប្រាក់ទាបជូនដល់សាធារណជនគ្រប់ស្រទាប់វណ្ណៈ ដើម្បីរក្សាឲ្យបាននូវនិរន្តរភាពរបស់ខ្លួន ហើយនាពេលបច្ចុប្បន្ននេះប្រជាជាតិហ្វាយនែនជាអង្គភាពដាច់ដោយឡែកពីមូលនិធិ ម៉េងលី ជេ. គួច។
    ប្រជាជាតិហ្វាយនែននឹងក្លាយទៅជាគ្រឹះស្ថានហិរញ្ញវត្ថុនាពេលឆាប់ៗខាងមុខនេះ ក្នុងការផ្តល់ប្រាក់កម្ចី ដើម្បីបង្កើតឱកាសធ្វើឲ្យប្រជាជនមានជីវភាពធូរធារ និងចម្រើនលូតលាស់ជាចលករមួយចូលរួមអភិវឌ្ឍប្រទេសកម្ពុជា។ ប្រជាជាតិហ្វាយនែនភ្ជាប់នូវគោលការណ៍នៃភាពស្មើគ្នាក្នុង ឱកាសការងារ និងសមត្ថភាពការងារ។ 
ប្រជាជាតិហ្វាយនែន បច្ចុប្បន្នកំពុងធ្វើប្រតិបត្តិការនៅក្នុងខេត្តចំនួន៣ ស្រុកចំនួន២៤ ឃុំចំនួន៧៣ និង ភូមិចំនួន២០៣ ដែលមានសំពៀតឥណទានសរុបចំនួន ៣,៤២៩,៩៣៧ ដុល្លារអាមេរិច និងមានអតិថិជនសរុបចំនួន ១,៦៦៦នាក់។ ប្រជាជាតិហ្វាយនែនមានគម្រោងពង្រីក
បណ្តាញប្រតិបត្តិការទៅកាន់ បណ្តាខេត្តមួយចំនួនទៀត ដូចជា ខេត្តកំពង់ស្ពឺ កំពង់ចាម ព្រៃវែង កំពង់ឆ្នាំង ពោធិសាត់ បាត់ដំបង ដូច្នេះប្រជាជាតិហ្វាយនែនត្រូវការជ្រើសរើសបុគ្គលិកដូចក្នុងមុខ តំណែងខាងក្រោម៖ 

• មន្ត្រីសវនករផ្ទៃក្នុងជាន់ខ្ពស់ប្រចាំស្នាក់ការកណ្តាល (១រូប)

• បានបញ្ចប់បរិញ្ញាប័ត្រផ្នែក គណនេយ្យ ធនាគារ ហិរញ្ញវត្ថុ គ្រប់គ្រងពាណិជ្ជកម្ម ឬសេដ្ឋកិច្ច ម្យ៉ាងវិញទៀតបើបានបញ្ចប់ថ្នាក់បរិញ្ញាប័ត្រជាន់ខ្ពស់ ត្រូវបានលើកទឹកចិត្ត
• មានបទពិសោធន៍ទាក់ទងទៅនឹងផ្នែក មីក្រូហិរញ្ញវត្ថុ យ៉ាងហោចណាស់​ ៤ឆ្នាំ និងមានបទពិសោធន៍ជាអ្នកគ្រប់គ្រងយ៉ាងតិច ២ឆ្នាំ
• មានចំណេះដឹងអាចប្រើប្រាស់កម្មវិធី Ms. Office​
• មានចំណេះដឹងអាចប្រើប្រាស់ភាសាអង់គ្លេសបានល្អទាំងសរសេរនិងនិយាយ
• មានជំនាញដោះស្រាយបញ្ហា ការគិតទុកជាមុន និងមានគំនិតផ្តួចផ្តើម
• ទំនាក់ទំនងល្អ រួសរាយរាក់ទាក់ ស្មោះត្រង់ និងមានការទទួលខុសត្រូវខ្ពស់
• យល់ដឹងខ្ពស់ទាក់ទងវិស័យសេដ្ឋកិច្ច មីក្រូហិរញ្ញវត្ថុ និងការប្រកួតប្រជែង
• មានឆន្ទៈនិងសមត្ថភាពខ្ពស់ដើម្បីចាត់ចែងការងារដោយគ្មានការត្រួតពិនិត្យពីថ្នាក់ គ្រប់គ្រង
• មានសមត្ថភាព និងអាចធ្វើការបានតាមតំបន់ជនបទ

• ការចូលរួមក្នុងការអភិវឌ្ឍនៃផែនការសវនកម្មលម្អិត, កម្មវិធីនិងនីតិវិធីសវនកម្ម
• តាមដានដើម្បីកំណត់ភាពគ្រប់គ្រាន់នៃសកម្មភាពកែប្រែ
• ធ្វើការពិនិត្យនៅការិយាល័យសាខា
• រៀបចំកម្មវិធីនិងឯកសារដែលធ្វើសវនកម្ម
• វិភាគការរកឃើញសវនកម្មក្នុងគោលបំណងដើម្បីផ្តល់អនុសាសន៍សមរម្យ
• ការវាយតម្លៃលទ្ធផលសវនកម្មនៅសាខា ពាក់ព័ន្ធនឹងភាពត្រឹមត្រូវ និងទស្សនៈវិស័យនៃការ សន្និដ្ឋានប្រឆាំងនឹងភស្តុតាងសវនកម្មបង្គរ
• រៀបចំរបាយការណ៍សវនកម្មជូនគណៈកម្មការសវនកម្ម​ និងក្រុមប្រឹក្សាភិបាល

អត្ថប្រយោជន៍ទទួលបាន

• ប្រាក់បៀវត្សសមរម្យ
• ការធានារ៉ាប់រងគ្រោះថ្នាក់ និងសុខភាព
• ប្រាក់ឧបត្ថម្ភផ្សេងៗ (ទូរស័ព្ទ…)
• ផ្តល់សំលៀកបំពាក់ប្រចាំឆ្នាំ
• ប្រាក់លើកទឹកចិត្តភ្ជុំបិណ្ឌ និងចូលឆ្នាំខ្មែរ
• ទទួលការបណ្តុះបណ្តាលខាងក្នុង ឬខាងក្រៅ
• ប្រាក់បេសកកម្ម
• ប្រាក់សោធននិវត្តន៍
• ការឈប់សម្រាកតាមរដ្ឋាភិបាល
• ច្បាប់បេតុភាព និងមាតុភាព
• ដំណើរកំសាន្តប្រចាំឆ្នាំ

របៀបនៃការដាក់ពាក្យ៖
បេក្ខជន ឬបេក្ខនារីដែលមានចំណាប់អារម្មណ៍សូមដាក់ពាក្យសុំបម្រើការងារ និងប្រវត្តិរូប សង្ខេប ដោយភ្ជាប់មកជាមួយ សញ្ញាប័ត្រផ្សេងៗ អត្តសញ្ញាណប័ណ្ណ ឬសំបុត្រកំណើត ថតចម្លងដែលមានបិទរូបថត ៤x៦ (ថតថ្មី) មកកាន់អាសយដ្ឋានខាងក្រោម។
កាលបរិច្ឆេទឈប់ទទួលពាក្យ នៅថ្ងៃទី០៤ ខែ មិនា ឆ្នាំ២០១៦ វេលាម៉ោង ៥:០០ល្ងាច ហើយចំពោះមុខតំណែង មន្ត្រីឥណទាន បេក្ខជន ត្រូវយក CV មកដាក់ដោយផ្ទាល់នៅ គ្រប់ការិយាល័យរបស់ប្រជាជាតិហ្វាយនែន។