សាមិកភីអិលស៊ី ជាស្ថាប័នមីក្រូហិរញ្ញវត្ថុដ៏ល្បីល្បាញមួយនៅក្នុងប្រទេសកម្ពុជា ដែលបាន ទទួលអាជ្ញាប័ណ្ណជាគ្រឹះស្ថានមីក្រូហិរញ្ញវត្ថុ និងចុះបញ្ជីជាក្រុមហ៊ុនឯកជនទទួលខុសត្រូវ មានកម្រិត ជាមួយក្រសួងពាណិជ្ជកម្មលើបញ្ជីការលេខ Co. ៧៨៥៧/KH/២០០៥ ចុះថ្ងៃទី៥ ខែកក្កដា ឆ្នាំ២០០៥។ សាមិកភីអិលស៊ី បានទទួលអាជ្ញាប័ណ្ណ ដើម្បីប្រកបអាជីវកម្ម របស់ខ្លួនជាស្ថាប័នមីក្រូហិរញ្ញវត្ថុ ពីធនាគារជាតិនៃកម្ពុជា សម្រាប់រយៈពេល៣ឆ្នាំ ដោយគិតចាប់ពីថ្ងៃទី១៤ ខែកញ្ញា ឆ្នាំ២០០៥។ សាមិកភីអិលស៊ី បានទទួល អាជ្ញាប័ណ្ណ អាជីវកម្មអចិន្ត្រៃយ៍ ពីធានាគារជាតិនៃកម្ពុជា នៅថ្ងៃទី១៨ ខែកក្កដា ឆ្នាំ២០០៨។ នៅថ្ងៃទី១៤ ខែធ្នូ ឆ្នាំ២០១២ សាមិកភីអិលស៊ី បានផ្លាស់ប្តូរប្រភេទក្រុមហ៊ុន ពីក្រុមហ៊ុនឯកជន ទទួលខុសត្រូវមានកម្រិត ទៅជាក្រុមហ៊ុនមហាជនទទួលខុសត្រូវមានកម្រិត ដែលទទួលបានការអនុញ្ញាតពីក្រសួងពាណិជ្ជកម្ម និងធនាគារជាតិនៃកម្ពុជា។ សាមិកភីអិលស៊ី មានទិសដៅសកម្មភាពចំបងក្នុងការផ្តល់សេវាកម្មមីក្រូហិរញ្ញវត្ថុទៅប្រជាជនក្រីក្រនៅកម្ពុជាតាមរយៈ សាខារបស់ខ្លួនដែលមានទីតាំងគ្រប់ខេត្តក្រុង ដូចជា ក្រុងភ្នំពេញ ខេត្តកណ្តាល ខេត្តតាកែវ ខេត្តកំពត ខេត្តកែប ខេត្តព្រះសីហនុ ខេត្តកំពង់ធំ ខេត្តកំពង់ស្ពឺ និងខេត្តសៀមរាប។
អនុលោមតាមកំណើនឥណទាន និងតំបន់ប្រតិបត្តិការរបស់ក្រុមហ៊ុន សាមិកភីអិលស៊ី សូមធើ្វការ ប្រកាសជ្រើសរើសបេក្ខជនដែលមានគុណវុឌ្ឍន៍ លក្ខណៈសម្បត្តិនិងតួនាទីដូចខាងក្រោម ៖
តួនាទី: មន្ត្រីឥណទាន ស្ម័គ្រចិត្ត
ចំនួន: ២០
តំបន់ប្រតិបត្តិការ: ខេត្តតាកែវ ខេត្តកំពត ខេត្តព្រះសីហនុ ខេត្តកំពង់ធំ ខេត្តកំពង់ស្ពឺ និងខេត្តសៀមរាប