ប្រជាជាតិហិរញ្ញវត្ថុ គឺជាគម្រោងមួយក្នុងចំណោមគម្រោងជាច្រើនរបស់មូលនិធិ ម៉េងលី ជេ. គួច ដែលជាមូលនិធិមិនរកបា្រក់ចំណេញ ហើយវាធ្វើការងារជួយសង្គមលើគ្រប់វិស័យ ដែលជាផ្នែកមួយរបស់ក្រុមហ៊ុនម៉េងលី ជេ. គួច អេឌ្យូខេសិន។
ប្រជាជាតិហិរញ្ញវត្ថុបានចាប់បដិសន្ធិនៅក្នុងឆ្នាំ២០០៥ ក្នុងគោលបំណងផ្តល់ប្រាក់កម្ចីឥតការប្រាក់ដល់បុគ្គលិក សិស្សានុសិស្ស និងប្រជាពលរដ្ឋទីទ័លក្រ និងប្រជាជនគ្រប់ស្រទាប់ វណ្ណៈ កំពុងជួបការលំបាក។ ប្រជាជាតិហិរញ្ញវត្ថុបានផ្តល់ប្រាក់កម្ចីជាង ៣, ០០០, ០០០ដុល្លារ (បីលានដុល្លារ)ជូនដល់បុគ្គលិក សិស្សានុសិស្ស និងប្រជាពលរដ្ឋ ចាប់តាំងពីមូលនិធិមួយនេះបានដំណើរការ។
ដើម្បីសម្រេចទស្សនៈវិស័យរបស់ខ្លួន “ធ្វើឲ្យជីវិតប្រសើរឡើង” ប្រជាជាតិហិរញ្ញវត្ថុបានធ្វើកំណែទម្រង់ទៅជាអង្គការហិរញ្ញវត្ថុវិញនៅក្នុងឆ្នាំ២០១៣ ដែលផ្តល់ប្រាក់កម្ចីជាមួយការប្រាក់ទាបជូនដល់សាធារណជនគ្រប់ស្រទាប់វណ្ណៈ ដើម្បីរក្សាឲ្យបាននូវនិរន្តភាពរបស់ខួន ហើយនាពេលបច្ចុប្បន្ននេះប្រជាជាតិហិរញ្ញវត្ថុជាអង្គភាពដាច់ដោយឡែកពីមូលនិធិ ម៉េងលី ជេ. គួច។
ប្រជាជាតិហិរញ្ញវត្ថុបានសន្យាធ្វើការជាគ្រឹះស្ថានហិរញ្ញវត្ថុរឹងមាំ ក្នុងការផ្តល់ប្រាក់កម្ចី ដើម្បីបង្កើតឱកាសធ្វើឲ្យប្រជាជនមានជីវភាពធូរធារ និងចម្រើនលូតលាស់ជាចលករមួយចូលរួមអភិវឌ្ឍប្រទេសកម្ពុជា។ ប្រជាជាតិហិរញ្ញវត្ថុប្រកាន់ភ្ជាប់នូវគោលការណ៍នៃភាពស្មើគ្នាក្នុង ឱកាសការងារ និងសមត្ថភាពការងារ។
ប្រជាជាតិហិរញ្ញវត្ថុ បច្ចុប្បន្នកំពុងធ្វើប្រតិបត្តិការនៅក្នុងខេត្តកណ្តាលខេត្តតាកែវ និងរាជធានី ភ្នំពេញ ហើយមានគម្រោងពង្រីកបណ្តាញប្រតិបត្តិការទៅកាន់ខេត្តចំនួនបីទៀត នៅឆ្នាំ២០១៥ នេះគឺ កំពង់ចាម ព្រៃវែង និងខេត្តកំពង់ស្ពឺ ដូច្នេះប្រជាជាតិហិរញ្ញវត្ថុត្រូវការជ្រើសរើសបុគ្គលិកដូចខាង ក្រោម៖
មុខតំណែង៖
- មន្ត្រីជាន់ខ្ពស់ផ្នែកធនធានមនុស្ស និងរដ្ឋបាល សម្រាប់ការិយាល័យកណ្តាល (១រូប)